Li Kurdistana Suriyê dem havîn e û saisona konsêrtên muzîkê dest pê kir. Bi beşdarbûna hunermendan Sefqan û Azad Feqe do li bajarê Qamişloyê konsêrteke mezin li dar ket. Dora 600 hezkiriyên muzîka kurdî li salona el-Qelaa kom bûn û li ser awaz û dengên herdu hunermendan dîlanên germ pêk anîn.
Bi taybetî dema ku Sefqan dest bi stranan kir, kesek li ciyê xwe rûniştî nema. Tevî ku par yekemîn berhema Sefqan a bi navê «Nervîn» (Li hin stranên Sefqan guhdar bike…) derket, lê Sefqan dikarî di vê dema kurt de ji xwe re ciyekî di nav muzîka kurdî de çêke. Şeva do ta seet çarê sibehê dirêj kir.